5 მეთოდი, როგორ დავიკლოთ ძილის დროს

0
490

გახდომის პროცესი რთულ და გრძელვადიან პერიოდთან ასოცირდება: ვარჯიშის გეგმა უნდა შეადგინოთ, კვება შეცვალოთ და მუდმივად საკუთარ თავს მოტივაცია მისცეთ. დიეტოლოგებმა იპოვეს რამდენიმე მეთოდი, რომლებიც ძილის დროს გახდომაში დაგეხმარებიან. დღეს დეტალურად გიამბობთ მარტივ ჩვევებზე, რომლებიც დაგეხმარებათ უფრო მოხდენილი გახდეთ.

პროტეინების კოქტეილი დალიეთ

ითვლება, რომ თუ წონაში დაკლება გსურთ, ძილის წინ ჭამაზე ან საერთოდ ვახშამზე სჯობს უარი თქვათ. ფლორიდის უნივერსიტეტის მეცნიერებმა კვლევის ფარგლებში გაარკვიეს, რომ ექსპერიმენტის მონაწილეები, რომლებიც დაძინებამდე 30-60 წუთით ადრე 150 მლ პროტეინის კოქტეილს სვამდნენ, უფრო სწრაფად იკლებდნენ, ვიდრე ისინი, ვინც ლოგინში მშიერი წვებოდნენ. გარდა ამისა, დროთა განმავლობაში ცილოვანი კოქტეილის მოყვარულების ნივთიერებათა ცვლა აჩქარდა და წნევა შემცირდა. სჯობს მცენარეული პროტეინი მიიღოთ, მაგალითად, კანაფის (მასში ბევრი მიკროელემენტია), ასე კანის პრობლემების თავიდან აცილებას შეძლებთ.

შუქი გამორთეთ

სამეცნიერო ჟურნალმა Biological Rhythms გამოაქვეყნა ანგარიში, რომ სინათლე ძილის ხარისხსა და წონაზე გავლენას ახდენს. როგორც გაირკვა, მბჟუტავი სინათლეც კი ორგანიზმის აღდგენას ხელს უშლის, ამიტომ ლამპართან დაძინება ცუდი იდეაა.

მორიგი დღე დაგეგმეთ

ხშირად დილით მოტივაცია ნულის ტოლია, ამიტომ დაგეგმვა საღამოს დაიწყეთ. სასარგებლო სადილი მოამზადეთ, სასარგებლო საუზმის ინგრედიენტები მოამზადეთ (ქოქოსის რძეში შეგიძლიათ ჩიას თესლი ან შვრია ჩაალბოთ). ასე მშვიდად დაიძინებთ, რადგან მეორე დღისთვის უკვე მზად ხართ. გაღვიძებისას კი გეგმის დაცვა უფრო გაგიმარტივდებათ.

გათბობა დაარეგულირეთ

სამედიცინო ჟურნალმა Diabetes-მა ექსპერიმენტი ჩაატარა და გაარკვია, რომ მოხალისეებს, რომელთაც 19 გრადუს ტემპერატურაზე ეძინათ, ყავისფერი ცხიმის (სხეულის ჯანსაღი ცხიმი, რომელიც კალორიების წვას ხელს უწყობს) მარაგი გაეზარდათ. მათ, რომელთაც 23 გრადუს ტემპერატურაზე ეძინათ, მსგავსი წარმატებით ვერ დაიკვეხნეს. თუ სიცივეში დაძინება გიჭირთ, თბილი წინდები ჩაიცვით.

მაღვიძარა დააყენეთ

ბრიგამა იანგას უნივერსიტეტის კვლევის თანახმად, ქალები, რომლებიც ყოველდღე ერთსა და იმავე დროს იღვიძებენ, უფრო ნაკლებს იწონიან, ვიდრე ისინი, ვინც რეჟიმს არ იცავენ. წონის კლების პროცესში ძილის ხარისხს დიდი მნიშვნელობა აქვს: ორგანიზმს აღსადგენად დაახლოებით 8 საათი სჭირდება. ძილის მცირე დეფიციტიც კი მადას ზრდის და წონის მატებას ხელს უწყობს.

დატოვე კომენტარი

გთხოვთ, დაწეროთ თქვენი კომენტარი!
გთხოვთ, ჩაწეროთ თქვენი სახელი აქ