დაოსელების არასტანდარტული მეთოდი გასახდომად: უჩვეულო სიარული თვეში 5 კგ ჭარბ წონას აქრობს

0
345

დღეს Girl.ge–ს რედაქცია გიზიარებთ ინფორმაციას უჩვეულო პრაქტიკის, მუხლებზე სიარულის შესახებ. ნახეთ, რისთვის არის სასარგებლო და როგორ შევასრულოთ.

მუხლებზე სიარულის დაოსური პრაქტიკა ერთ–ერთი ყველაზე მშვიდი და ეფექტური ვარჯიშების სისტემაა. რეგულარული შესრულებით არა მხოლოდ მუხლების ტკივილს გაიქრობთ, არამედ სხეულის მასას შეამცირებთ. ამასთან თვეში 3-5 კგ–ს დაკლებას შეძლებთ.

ვარჯიშის მაღალი ეფექტურობა დაკავშირებულია იმასთან, რომ პროცესში არა მხოლოდ კანჭის ტყუპი კუნთები, არამედ ფეხის სხვა კუნთებიც ერთვება: ოთხთავა, სწორი, დუნდულის, წვრილი, მცირე წვივის და ა.შ. მუხლებზე სიარული მათ ტონუსს ზრდის და ბარძაყების ზონაში ცხიმს წვავს.

და ახლაც აღმოსავლეთისკენ ვიყურებთ. რატომღაც არ მიკვირს, რომ გამაჯანსაღებელი პრაქტიკების უმეტესობა აღმოსავლეთიდან შემოვიდა. ის, რასაც ჩვენ „არატრადიციულ მედიცინას“ ვუწოდებთ, მათთან ტრადიციული, საუკუნეების მიერ შემუშავებული, ეფექტურია და მიმართულია არა შედეგების, არამედ მიზეზების გაქრობისკენ.

მუხლებზე სიარულით კი არ დავიკლებთ, არამედ გავჯანსაღდებით. თუმცა გახდომაზეც გავლენას ახდენს.

მუხლებზე სიარული – აღმდგენი ვარჯიშების კომპლექსია, რომელიც სახსრების დაავადების მკურნალობასა და პროფილაქტიკაზეა მიმართული. ამასთან მთელ ორგანიზმს აჯანსაღებს.

ვარჯიში ჩინური, კერძოდ დაოსური პრაქტიკიდან არის ნასესხები. ის თანაბარი და ზომიერი მოძრაობებისგან შედგება, ამიტომ მის შესრულებას ნებისმიერი ასაკობრივი ჯგუფი შეძლებს.

ჯერ გავიგოთ, რისთვის არის სასარგებლო მუხლებზე სიარული და შემდეგ პრაქტიკაზე გადავიდეთ.

1. ართრიტის და ართროზის სიმპტომებს ამსუბუქებს

მუხლებზე რეგულარული სიარული დაზიანებულ ზონებში სისხლის მიმოქცევას სტიმულირებს და მყესების ბოჭკოების ელასტიურობას ზრდის. რბილი ქსოვილების კვებას არეგულირებს, ამის ხარჯზე სინოვიალური სითხის გამომუშავება იზრდება, მოძრაობისას სახსრების შემაერთებელ ადგილას ხახუნი მცირდება.

გაფრთხილება! ამ დაავადებების არსებობისას მკურნალ ექიმთან კონსულტანცია აუცილებლად გაიარეთ!

2. მხედველობას აუმჯობესებს

მუხლების ქვეშ ბევრი აკუპუნქტურის წერტილი მდებარეობს, რომლებიც დაოსური სიარულის დროს სტიმულირდება და ამით თვალის ბადურას კვებას აუმჯობესებს და ფოტორეცეპტორების მგრძნობელობას ზრდის.

მხედველობის ფუნქციების აღსადგენად 1/3 ვარჯიშები დახუჭული თვალებით შეასრულეთ.

3. კუჭ–ნაწლავის ტრაქტის და შარდსასქესო სისტემების მუშაობას აუმჯობესებს

მუხლებზე ბიოაქტიურ წერტილებზე სტიმულაცია მთელ სისტემას, მათ შორის საჭმლის მომნელებელ სისტემას მუშაობის დამოუკიდებლად მოწესრიგებაში ეხმარება.

პროფესორ ნეუმივაკინის აზრით, მუხლებზე სიარული:

  • საჭმლის მონელებას და განავალს აწესრიგებს;
  • რეპროდუქციულ ფუნქციებს აღადგენს;
  • შარდსაწვეთიდან ქვიშას გამოდევნის;
  • ნაღვლის ბუშტში კენჭებს შლის;
  • თირკმლების ფუნქციებს აუმჯობესებს;
  • გაცვლით პროცესებს აუმჯობესებს;

4. წონაში დაკლებას და ცელულიტის მოშორებას ხელს უწყობს

თუ კონკრეტულად ბარძაყებზე რამდენიმე სმ–ს მოკლება გსურთ, ეს სიარული თქვენი აღმოჩენაა. მუხლებზე სიარული კუნთების ტონუსს და ბარძაყების ზონაში ცხიმის წვას ზრდის. უფრო მეტიც, მუხლებზე ცხიმოვანი ბალიშებიც სწრაფად გაქრება.

დაოსური სიარული კიდურებში სისხლის მიმოქცევას ააქტიურებს და ამით ქსოვილებიდან ზედმეტ სითხეს გამოდევნის. გამოდის, ბარძაყებსა და დუნდულებზე ფორთოხლის ქერქის მსგავსი კანი ძალიან სწრაფად გაქრება.

კუნთები დატვირთვისთვის ნელ–ნელა მოამზადეთ. მინიმალური დატვირთვით დაიწყეთ, მაგრამ ყოველდღე გაზარდეთ, როგორც დატვირთვა, ასევე შესრულების დრო. თუ დაოსური პრაქტიკის შესრულებისას სიწითლე და შეშუპება გაწუხებთ, რომელიც დიდხანს არ გადადის, სპეციალისტთან კონსულტანცია გაიარეთ.

შესრულების ტექნიკა

  1. თავდაპირველად, ბალიშზე ან რბილ ლოგინზე ოთხზე დადექით. ცოტა ხნით მუხლებზე დადექით, რომ მიეჩვიოთ. შემდეგ ლოგინზე სიარული დაიწყეთ.
  2. როცა ფეხები ცოტა მიეჩვევა, იატაკზე გადადით, მაგრამ რბილ ხალიჩაზე ან სქელ გადასაფარებელზე იარეთ.
  3. თუ ძალას გრძნობთ, შეგიძლიათ მყარ ზედაპირზე გაიაროთ.

ვარჯიში აუცილებლად ყოველდღე უნდა შეასრულოთ. ერთი წუთით დაიწყეთ და თანდათან დრო გაზარდეთ. აუცილებელ სარგებელს მხოლოდ რეგულარული შესრულებით მიიღებთ.