წინ გადახრა – საუკეთესო სავარჯიშო, ნეირობიოლოგის აზრით

0
610

წინ გადახრა იოგას პოზაა, სახელად უტტასანა, რომელიც იოგას ნებისმიერ კომპლექსში შედის. ნეირობიოლოგისა და წიგნ “წყაროს” ავტორის, ტარა სუორტის აზრით, ლამაზი და გაჭიმული გადახრა, იგივე ნაკეცი, სწორედ ისაა, რაც დღის წესრიგში გვაკლია, თუმცა ძალიან გვჭირდება.

დახრის პოზა

დახრა არამხოლოდ შესანიშნავი გზაა მოთელვისთვის, თუმცა, ამ მდგომარეობაში 1 წუთზე მეტხანს თუ გაჩერდებით, სხეულს “დასვენებისა და მონელების” რეჟიმში გადაიყვანთ. ეს დაგეხმარებათ მოდუნებაში, სტრესის მოხსნასა და ჯანსაღი წონის შენარჩუნებაშიც კი.

“პირველი, რაც წონის მომატებისას გვახსენდება, არის კვებითი ჩვევების შეცვლა და კარდიოდატვირთვების გაზრდა. თუმცა, ხშირად, ეს ორგანიზმიდან მომავალი სიგნალია: სტრესის ჰორმონი ჩვენს “გადარჩენას” ამ გზით ცდილობს – მუცელში ცხიმს ინახავს. მის მოსაშორებლად, მნიშვნელოვანია რეგულარულად ისეთი სავარჯიშოების შესრულება, რომლებიც სტრესის დონეს ამცირებს. 

სავარჯიშოს არსი

მოკლედ რომ ვთქვათ, წინ გადახრა ნერვულ სისტემას სიმპატიკურიდან პარასიმპატიკურ მდგომარეობაში “მოისვრის”.

“სიმპატიკური ნერვული სისტემა “იბრძოლე ან გაიქეცი” პრინციპით მუშაობს. ჩვენ ამ მდგომარეობაში სტრესული სიტუაციების დროს ვხვდებით. ამ დროს მობილიზაციის ჰორმონი, კორტიზოლი მუდმივად გამოიყოფა, რაც ბლოკავს იმუნიტეტსა და ქსოვილების რეგენერაციის პროცესებს. მცირდება სისხლის მიწოდება კნტ-სკენ, იზრდება პულსი, წნევა, ვლინდება სხვა უსიამოვნო სიმპტომები.”

თუ საფრთხემ ჩაიარა, ორგანიზმი რთავს პარასიმპატიკურ ნერვულ სისტემას, რომელიც პასუხს აგებს სიმშვიდესა და საკვების მონელებაზე. სხეული და ტვინი საკმაოდ სწრაფად გადადის მშვიდ მდგომარეობაში. რაც უფრო დიდხანს გრძელდება იგი, მით უკეთესი ადამიანისთვის.

“დაკეცილ” პოზაში თავი გულის დონეზე დაბლა ეშვება, რაც ამშვიდებს გონებას, ხსნის სტრესსა და თავის ტკივილებსაც კი. ყველაზე დიდი უპირატესობა კი ისაა, რომ აუმჯობესებს საკვების მონელების პროცესს.

როგორ შევასრულოთ სავარჯიშო სწორად?

  • მიიღეთ საწყისი მდგომარეობა: დადექით, ხელები თეძოებზე ან დოინჯით დაილაგეთ.
  • ჩასუნთქვისას გაიწელეთ ხელებით წინ, დაჭიმეთ მთელი სხეული, თითქოს, ვიღაც გექაჩებათო. ბეჭები და მხრები დაბლა დაუშვით.
  • ამოსუნთქვისას დაიხარეთ წინ, გასწორებული ზურგით, და გაჩერდით ამ მდგომარეობაში 5-10 სუნთქვითი ციკლის განმავლობაში (დაახლოებით 1 წუთით, შეგრძნებებით იხელმძღვანელეთ).
  • სურვილისამებრ, ხელები შეკარით და ოდნავ გაქანდით იქეთ-აქეთ. კისერი მოადუნეთ, თავი ძალდაუტანებლად “ჩამოკიდეთ”.
  • თუ ფეხების უკანა ზედაპირზე ძლიერ დაჭიმულობას გრძნობთ, ოდნავ მოხარეთ მუხლები.
  • ამ პოზაში მთავარია მოდუნებული სუნთქვა და ზურგის გაწელვა, სიმძიმის ძალის ზემოქმედებით.