ქიმიკოსი თუ ტანმოვარჯიშე: რომელი მასწავლებელი ხართ ზოდიაქოს ნიშნის მიხედვით

0
807

დღეს გიამბობთ, თუ რომელი საგნის მასწავლებელი ხართ ზოდიაქოს ნიშნის მიხედვით.

თხის რქა – ფიზიკოსი

სასკოლო ეპოსის მთავარი გმირი: ფიზიკის მასწავლებლით დაწყებითი კლასის მოსწავლეებს აშინებენ, არავის უნახავს, მაგრამ ამბობენ, რომ რამდენიმე ხულიგანი შეჭმული ჰყავს. მის გაკვეთილებზე სიჩუმე და მკაცრი დისციპლინა სუფევს: რვეული არავის რჩება, ჩანაწერებს ერთმანეთს არ გადასცემენ, მეზობლის მერხს ფეხს არ ურტყამენ. ბრწყინვალე დისციპლინა ხმის აწევის და გაფრთხილების გარეშე მიიღწევა: ფიზიკოსი თავად ცოცხალი საფრთხეა, რადგან ნორმალურ ადამიანს ფიზიკის მიღება არ შეუძლია. ასე არაა? ნამდვილად ჯადოქარია! საყვარელი მოსწავლეები არ ჰყავს. ვისაც ფიზიკის გააზრება არ შეუძლია, სამიანის მიღებას შეძლებს, თუ ჩუმად იჯდება: სულელს სწავლა მხოლოდ გააფუჭებს.

მერწყული – მათემატიკოსი

კლასს სამ ნაწილად ჰყოფს: გენიოსებად, საშუალოებად და ბიო ნარჩენებად. მათემატიკური ნიჭის მქონე ბავშვებს ყველაფერს პატიობს – სკამზე ლურსმნების დადებას თუ გაკვეთილის ჩაშლას. საშუალოებს არ ეხება. ოროსნები გულახდილად ეზიზღება, რადგან არ სჯერა, რომ მათემატიკის გაგება არ შეიძლება: ყველაფერი ლოგიკურია! აქედან ეჭვობს, რომ ოროსნები უბრალოდ მეცნიერების მნიშვნელობას უგულებელყოფენ, ამას კი არავის პატიობს. ორიანს სიამოვნებით წერს, როგორც ხუთიანსაც.

თევზები – ინგლისურის მასწავლებელი

სერიოზულად თვლის, რომ ზოგადი განათლების თეთრი ძვალი და ცისფერი სისხლია. ინტრიგებს ხლართავს, ამასთან მეორე ინგლისურის მასწავლებლის წინააღმდეგ. ენას არ ასწავლის პრინციპულად, ასწავლის სახელმძღვანელოს, რადგან რთულია ასწავლო ის, რაც თავად არ იცი. გაოცებულია, როცა ზაფხულის არდადეგების შემდეგ დაბრუნებული ბავშვები ეუბნებიან, რომ მათი ინგლისური თურქმა ნაყინის გამყიდველმაც ვერ გაიგო. სამაგიეროდ, უდანაშაულო ბავშვების თავებს ნამდვილი ინგლისური მანერებით ავსებს. როგორც ეს წარმოუდგენია BBC-ის გახმოვანებული სერიალების ყურებით. საყვარელი მოსწავლეების სიაში მოხვდებით, თუ მოატყუებთ, რომ ტოლკინი ორიგინალში წაიკითხეთ. იგივე შეიძლება ითქვას, მეორე ინგლისურის მასწავლებელზე – ოღონდ იმ განსხვავებით, რომ მან ენა ნამდვილად იცის და მას ნამდვილად ასწავლის.

ვერძი – ფიზკულტურის მასწავლებელი

ინსტრუქტორისგან შეგიძლიათ მიიღოთ 50 აზიდვები რიგრიგობით ან აპრილამდე თხილამურების ტარება გაიძულოთ. მოსწავლეების წამება უყვარს. მოტივაციას აძლევს სპორტული საყვირი ან ყვირილი. რას ყვირის არავის ესმის, რადგან დარბაზში საშინელი ექოა. ყოველი შემთხვევისთვის მოსწავლეები უკანასკნელი ძალით ვარჯიშს იწყებენ. გადარჩენილებს მასწავლებელი კალათბურთის თამაშით აჯილდოებს და თუ მოსწავლეები ამ გულუხვ საჩუქარზე უარს ამბობენ, ფარული ზიზღით უყურებს. „სკოლა სუსტებისთვის არაა!“ – აი, მისი დევიზი.

კურო – ქიმიკოსი

მშვენივრად ხვდება, რომ მის და კიდევ რამდენიმე ჭკვიანის გარდა, მისი საგანი არავის სჭირდება, ამიტომ კლასისგან წინასწარ კარგს არაფერს ელოდება და ისეთივე ენთუზიაზმით იწყებს, როგორც კონსტიტუციის ძირითად დებულებებს წაიკითხავდა. ბავშვივით ხარობს, როცა ვინმე ვალენტობის კონცეფციას იგებს და იმწამსვე მთელი კლასის გახარებას ცდილობს. წმინდა ლაბორატორიაში მხოლოდ რჩეულებს უშვებს და მათთან ერთად რაღაც საეჭვოს აკეთებს. აბა შემდეგ წლობით რატომ დადიან მასწავლებლის დღის აღსანიშნად?

ტყუპები – ბიოლოგიის მასწავლებელი

თავის საგანზე უზუმოდ შეყვარებულია, რადგან ბიოლოგია თავად ცხოვრების არსია. მოსწავლეებს თანაბრად ნაზად ეპყრობა – ისინი ხომ ბიოლოგიური ობიექტები არიან, თითქმის ისეთივე საყვარლები, როგორც პრეპარატები მის კარადაში. თითქმის, რადგან დასპირტული ბაყაყის გვამთან დაუდევრად მოპყრობისთვის შეიძლება შური იძიოს. არ შეუძლია ვინმეს რამე ასწავლოს, რადგან უბრალოდ ყვება, თუ როგორ არის მოწყობილი ყველაფერი, შედეგად მთელმა ნაკადმა თემა კარგად იცის.

კირჩხიბი – ისტორიკოსი

სხვებს ბრძნულად, მშვიდად და დიდსულოვნად, ყოველგვარი იძულების გარეშე ასწავლის. გულწრფელად სურს, რომ ბავშვებმა დამოუკიდებლად ფიქრი ისწავლონ. პრობლემა იმაშია, რომ საგანს სიტყვა „არანაირად“ არ ეწყობა – რაც არ უნდა იფიქროთ თერმოპილეს ბრძოლაზე, ყველა მონაწილე უკვე დაღუპულია, ოღონდ არა კირჩხიბისთვის. კირჩხიბის თავში ამხანაგი სტალინი ეკატერინა მედიჩთან ჰუგენოტების რეპრესიების შესახებ ცოცხალ საუბარს მართავს და თუ მთელ კლასს ამ დისკუსიის მხარდაჭერა არ შეუძლია, ისტორიკოსი ნამდვილად გაოცებულია: არ გაინტერესებთ? თქვენ რა ადამიანი ხართ? პასუხად კი დაბნეული მოსწავლეების თავიდან ქრება დიდი გეოგრაფიული აღმოჩენების ცხრილი და დინასტიების თანმიმდევრობა, რომ ცოტა ისტორიული სიმართლის ადგილი დარჩეთ, რომელზეც სახელმძღვანელოებში არ წერენ, მაგრამ ისტორიკოსი გაკვეთილზე გულმოდგინედ ყვება.

ლომი – დირექტორი

მოსწავლეებში შიშს და თრთოლას მხოლოდ ერთი ხსენებით იწვევს: „ახლა დირექტორთან წავალ!“ – ყველა ჩუმდება, რადგან დირექტორის ეშინიათ. არავინ იცის, რატომ, რადგან მასთან მისული ყველა ცოცხალი დაბრუნდა, მაგრამ მომხდარზე ნათლად საუბარი არავის შეუძლია. ოლიმპიადის გამარჯვებულები, გამოჩენილი სპორტსმენები და რედაქტორები ზღაპრებს ჰყვებიან, რომ ის მშვიდი დეიდაა, მაგრამ არავის სჯერა: რა მშვიდი დეიდა? არ გინახავთ, დერეფანში როგორ დადის?

ქალწული – ქართული ენის მასწავლებელი

საშიში ქალი. კლასს ყოფს ორ ნაწილად, მათ, ვისთვისაც სწავლას აზრი აქვს, და მათ, ვინც კლინიკაში უნდა ჩააბარო: გაუნათლებელი გოგო მისთვის პირადი სირცხვილია და დაუმთავრებელი საქმე. წესიერი ბიჭი – შემთხვევითი მუტაციაა. არ ეშინია არც ღმერთის, არც ეშმაკის, არც აღშფოთებული მშობლების, არც მთავრობის, რადგან ყველასთვის პოულობს კეთილ სიტყვებს, რომლის შემდეგ სკოლის ტუალეტში წასვლა და ჩამოხრჩობა მოგინდება, რომ უსარგებლო არსებობით კაცობრიობის ისტორია არ შეარცხვინოთ. წარჩინებულებს არასდროს აქებს, მათ ნიჭს სავალდებულოდ მიიჩნევს. რის გამოც უყვართ, საიდუმლოს წარმოადგენს. ალბათ, სტოკჰოლმის სინდრომია.

სასწორი – ლიტერატურის მასწავლებელი

აღფრთოვანებული ბუნება და ერთი მეომარი ომში. თითოეული გაკვეთილი მისთვის ჯარისკაცების არმიის წინააღმდეგ ბრძოლას უდრის, რომ მათ ხის თავებში მარტივი ჭეშმარიტება ჩადოს: ყველა, ვინც ქათული კლასიკა არ იცის და არ უყვარს, ჟანგბადს ტყუილად იყენებს.  უყვარს და იცის იმდენად, თითქოსდა ილია ჭავჭავაძემ თავად მოუტანა „მგზავრის წერილები“ რედაქტირებისთვის.

მის გაკვეთილებზე არანაირი დისციპლინა არაა, რადგანაც წარმოდგენა არ აქვს, თუ როგორ ახერხებს დროულად მისვლას, თან გაკვეთილის მონახაზით ხელში. ამით ოროსნებს და ხულიგნებს აბნევს: გაკვეთილზე შეგიძლიათ ყურებზე დაკიდული იყოთ, მაგრამ თუ შემდეგ თხზულება არ მოეწონება, ისეთ ისტერიკას მოაწყობს, რომ გაქცევა მოგინდებათ.

მორიელი – დამრიგებელი

ქთონიური ღვთაება. მოსწავლეებთან უსიამოვნო საზღვარს არ კვეთს, მაგრამ ეს ხელს არ უშლის ჰქონდეს რეპუტაცია, რომ დილით რამდენიმე უდანაშაულოს მოსწავლით საუზმობს. დამრიგებლის ეშინია არა მხოლოდ სკოლის მოსწავლეებს, არამედ მასწავლებლებს. სჯერათ, რომ დამრიგებელი ჯადოქრობის ხელოვნებას უკვე დიდი ხანია ფლობს და თავს არავის ესხმის მხოლოდ იმიტომ, რომ ერთხელ ასე გააკეთა და ახლა ყველა ერიდება. ის, რომ ნორმალური ცოცხალი ადამიანი და მაგარი დეიდაა, მოსწავლეები მხოლოდ გამოსაშვებ საღამოზე იგებენ და ბოდიშს უხდიან, რომ სულელური სტერეოტიპების სჯეროდათ. მორიელი კი უბრალოდ იცინის, ახლა კლასის გამოჩენას მოუთმენლად ელოდება.

მშვილდოსანი – გეოგრაფიის მასწავლებელი

თავისი საქმე უყვარს, რადგან გულწრფელად სჯერა, რომ ყველა ეშმაკურად მოატყუა: გეოგრაფია საგანი არაა! სამსახურში არაფრის გასაკეთებლად დადის, მაგრამ რადგან არაფრის კეთება მოსაწყენია, ამიტომ ასწავლის. დრო ხომ უნდა მოკლას. ხუთიანზე ქვემოთ ნიშანს არავის უწერს: მისი აზრით, ყველას, ვისაც კონტურული რუკის სწორად დახაზვა შეუძლია, ცხოვრებაში პრობლემები ისეც ყოფნის. მოსწავლეებთან მსოფლიო ვითარების შესახებ საუბარი უყვარს, ბიოლოგების და ისტორიკოსების სამფლობელოში თავხედურად იჭრება. რკინის საბადოზე რას იტყვით? მილიონი წელი ასე ერთ ადგილზე ზის და კიდევ 45 წუთი როგორღაც გაძლებს, არსად წავა. სხვათა შორის, ბავშვებო: სალაშქროდ ხომ არ წავიდეთ?

დატოვე კომენტარი

გთხოვთ, დაწეროთ თქვენი კომენტარი!
გთხოვთ, ჩაწეროთ თქვენი სახელი აქ