როგორ მოვიხსნათ სახის შეშუპება მარტივი მასაჟით

0
649

თუ სახეზე შეშუპება აღმოაჩინეთ,Girl.ge-ის რედაქცია გთავაზობთ მასაჟს, რომელიც დილით, ან დღის განმავლობაში უნდა გაიკეთოთ. იგი შეამცირებს პრობლემას.

მასაჟისთვის საჭიროა: მსუბუქი ზეთი ან შრატი

  1. შეიზილეთ რამდენიმე წვეთი შრატი ხელის გულებსა და მაჯებზე. მოათავსეთ შუა, არათითი და ნეკა თითები შუბლის ორივე მხარეს, თმის ზრდის ზოლთან ახლოს: ოდნავ დააჭირეთ და იმოძრავეთ ქვემოთ, ყურებისკენ. გაიმეორეთ ხუთჯერ.
  2. დაიდეთ ეს თითები შუბლზე. იმოძრავეთ საფეთქლებისკენ. გაიმეორეთ ხუთჯერ.
  3. დაიდეთ დიდი თითები წარბის დასაწყისთან. ისინი ცხვირის ხიდის გვერდებზე უნდა აღმოჩნდეს. ოდნავ დააჭირეთ, 5 წამის განმავლობაში, შემდეგ წაიღეთ თითები საფეთქლებისკენ. გაიმეორეთ სამჯერ ან, საჭიროებისამებრ.
  4. დაიდეთ შუა, არათითი და ნეკა თითები ცხვირის ფუძესთან, ტუჩების ორივე მხარეს. იმოძრავეთ საფეთქლებისკენ C-სებრი ტრაექტორიით, დააჭირეთ საშუალო ძალისხმევით. გაიმეორეთ ხუთჯერ.
  5. მოათავსეთ მაჯა ნიკაპსა და ქვედა ტუჩს შორის. იმოძრავეთ საფეთქლებისკენ, C-სებრი ტრაექტორიით, დააჭირეთ საშუალო ძალისხმევით. დახარეთ თავი უკეთესი ეფექტისთვის. გაიმეორეთ 3-5-ჯერ.
  6. დაიდეთ საჩვენებელი და შუა თითები შუბლზე. ოდნავ დააჭირეთ, ნელა იმოძრავეთ საფეთქლებისკენ, შემდეგ ქვემოთ, კისრისკენ. გაიმეორეთ 3-5-ჯერ.

გისურვებთ ჯანმრთელობასა და სილამაზეს!