Chanel-ის ექსპერტებმა წარმოადგინეს სახის მასაჟის მეთოდიკა, რომელიც ებრძვის დაბერების პირველ ნიშნებს: აგლუვებს ნაოჭებს, ათანაბრებს სახის ფერს, ზრდის კანის სიმკვრივესა და ტონუსს. “შანელის შეხების ტექნიკა” au RIT-ის მოდის სახლისთვის შეიქმნა. როგორ უნდა მიხვდეთ, რომ სახის მასაჟის გაკეთება გჭირდებათ? თუ მუდმივი სტრესის ქვეშ, დაძაბული, უძილარი ხართ, ბევრს მუშაობთ, ნათელია – გჭირდებათ.
ფასციალური მასაჟი – ესაა ნელი, დამჭიმავი მოძრაობების თანმიმდევრობა, რომლებსაც ანაცვლებს შეკავება, რომლის მიმდინარეობის დროს ზეწოლა თანდათან მცირდება. ესაა უჯრედულ მეტაბოლიზმზე ზემოქმედების პროცესიც, ქსოვილების ჟანგბადით გაჯერების ხარჯზე.
ეფექტი:
- კანის დეტოქსიკაცია;
- გაღიზიანების შემცირება;
- რეგენერაცია;
- დატენიანება და დაცვა;
- კანის გამკვრივება, დაგლუვება.
მასაჟთან დაკავშირებული ტექნიკური რჩევები
- მოათავსეთ თითების ბალიშები კანზე, ზეწოლის გარეშე, თუმცა, საკმაოდ მჭიდროდ.
- კანის დაჭიმვა, ზეწოლის გარეშე, თუმცა ისე სრულდება, რომ კანი ელასტიურად გაიჭიმოს, ზედმეტად გაწელის გარეშე.
- დაგლუვება იმ მომენტში ხდება, როცა კანის ელასტიურობის ზღვარს მიაღწევთ. მაშინ თითის ბალიშები ნელა უნდა აცუროთ კანზე, ზეწოლის იმავე ხარისხის შენარჩუნებით.
- შემდეგ შეკავების ეტაპი მოდის: დაჭიმული კანი 3 წამით უნდა შეაკავოთ. შეკავების მომენტი ქსოვილებს გადაწყობის დროს აძლევს და აელასტიურებს მათ. თითოეული მოძრაობა სამჯერ, სიმეტრიულად სრულდება (სახის ორივე მხარეს).
- ძილის შემდეგ კანი რომ დააგლუვოთ, წაისვით სახის მარეგენერირებელი ლოსიონი SUBLIMAGE La Lotion Suprême, კრემის წასმამდე, შემდეგ კი შეუდექით დილის მასაჟს.
შუბლის მასაჟი
- დაიდეთ ორივე ხელის თითების ბოლოები შუბლის შუა ნაწილზე, ვერტიკალურ ზოლად.
- დაჭიმეთ კანი სიმეტრიულად, მარჯვნივ და მარცხნივ, საფეთქლებამდე, შემდეგ კი გადადით დაგლუვებაზე.
- მეორე მისვლისას, დახარეთ თავი წინ, დაჭიმულობის გასაძლიერებლად. გაიმეორეთ მოძრაობა ორჯერ: პირველად იმავე ტემპით, ოღონდ ორწამიანი შეკავებით, მეორედ უფრო ნელა, 5 წამით. დაასრულეთ ხუთწამიანი შეკავებით, საფეთქლებთან.
თვალების მასაჟი
- დაიდეთ თითების ბოლოები ზედა ქუთუთოებს ზემოთ, წარბქვეშ.
- შეასრულეთ სიმეტრიული მოძრაობები გარე მიმართულებით, საფეთქლებამდე, სამწამიანი დაგლუვებით;
- მეორე მისვლისას, გაიმეორეთ მოძრაობები იმავე ტემპით, ოღონდ დაასრულეთ ორწამიანი შეკავებით;
- მესამე მისვლა ნელა, 5 წამში უნდა შესრულდეს, მასაჟი კი ხუთწამიანი შეკავებით უნდა დასრულდეს. პროცესში ისუნთქეთ ღრმად და გააგრძელეთ ნაოჭების დაგლუვება.
ლოყების მასაჟი
- დაიდეთ საჩვენებელი თითები ცხვირის ორივე მხარეს, დანარჩენი თითები კი საჩვენებელს უნდა ებჯინებოდეს და ბრტყლად, ვერტიკალურად ედებოდეს სახეს.
- ორივე ხელის გულით შეასრულეთ ქსოვილების ჰორიზონტალური დაჭიმვა, ცხვირიდან ყურებამდე.
- ამავდროულად, დახარეთ თავი წინ, დაჭიმულობის გასაძლიერებლად;
- მეორე მისვლისას, გაიმეორეთ მოძრაობები იმავე ტემპში, ოღონდ დაასრულეთ ორწამიანი შეკავებით.
- მესამე მისვლა გაიმეორეთ ნელა, 5 წამით, დაასრულეთ 5-ამიანი შეკავებით ყურების წინ, თმის ზრდის ზოლზე, ისუნთქეთ ღრმად.
ტუჩების მასაჟი
- დაიდეთ თითები ჰორიზონტალურად, ქვედა და ზედა ტუჩზე.
- შეასრულეთ დაჭიმვა გარე მხარეს, ტუჩის კუთხეების შემდგომი დაგლუვებით.
- ამავდროულად, დახარეთ თავი წინ.
- მეორე მისვლისას, გაიმეორეთ მოძრაობები იმავე ტემპში, ოღონდ დაასრულეთ ორწამიანი შეკავებით.
- მესამე მისვლა 5 წამში შეასრულეთ და არ დაგავიწყდეთ ხუთწამიანი შეკავებაც.
კისრის მასაჟი
- დახარეთ თავი წინ და დაიდეთ ორივე ხელის გული ნიკაპს ქვემოთ ისე, რომ კისრის მთელი ზედა ნაწილი (ქვედა ქბა) მოიცვათ. თითები მიმართეთ შიგნით, ერთი ხელის გული მეორეზე უნდა იდოს.
- შემდეგ ნელა წამოწიეთ თავი, ამავდროულად, ხელები დაუშვით დეკოლტესკენ.
- მეორე მისვლისას, გაიმეორეთ მოძრაობები უფრო ნელა, დაასრულეთ ორწამიანი შეკავებით.
- მესამე მისვლა უფრო ნელა, 5 წამის განმავლობაში უნდა შეასრულოთ. მასაჟი უნდა დასრულდეს ხუთწამიანი შეკავებით, დაჭიმულობის შენარჩუნებით.
გისურვებთ მუდმივ ახალგაზრდობასა და სილამაზეს!
