გაიცანით, ეს სუშმიტა, ინდოეთში პოპულარული ბიუთი-ბლოგერი გახლავთ. გოგონამ სახელი თავისი დიდებული თმითა და მისი მოვლის განსაკუთრებული საიდუმლოებით გაითქვა. თუ გრძელ, ხშირ და მოელვარე თმაზე ოცნებობთ, სუშმიტას ხრიკები გამოგადგებათ!
Girl.ge-ის რედაქციამ გულდასმით შეისწავლა სუშმიტას ბლოგი და მოამზადა 7 მარტივი რჩევა, რომლებიც დაგეხმარებათ დიდებული, უნაკლო თმის გაზრდაში.
1. დეპანტენოლი
თმის გამაძლიერებელი და ზრდის მასტიმულირებელი შამპუნებისა და ნიღბების შემადგენლობა ოდესმე წაგიკითხავთ? დიდი ალბათობით, მათ შემადგენლობაში ვიტამინ B5-ს იხილავთ. ეს იგივე ვიტამინია, ოღონდ სინთეტიკური. სუშმიტა პანტენოლის გელის ან ქაფის გამოყენებას ურჩევს მათ, ვისაც თმისცვენა აწუხებს ან უბრალოდ თმის ბოლქვების გაძლიერება სურს. მარტივია: დაიბანეთ თავი და წაისვით ცოტაოდენი საშუალება თმაზე, განსაკუთრებით მოინდომეთ თმის ძირებთან.
2. კვერცხისა და კონიაკის ნიღაბი
ძალიან თხელი და თხევადი თმის მფლობელებს სუშმიტა ურჩევს კვერცხისა და კონიაკის ნიღაბს. კვერცხი შეიცავს ცილებს, კონიაკი – ტანინებს. ორივე მათგანი თმას ახშირებს და ასტიმულირებს მის ზრდას. გატეხეთ ორი კვერცხი, დაუმატეთ 40 მლ კონიაკი, ათქვიფეთ მიქსერით ან სათქვეფით და წაისვით მიღებული მასა თმის ძირებზე.
3. ვაშლის ძმარი
ვაშლის ძმრის სავლები გააღვიძებს თმის ბოლქვებს, თუმცა, მისი გამოყენება თვეში მხოლოდ ორჯერ შეიძლება. მარტივია: დაიბანეთ თავი, კონდიციონერის ნაცვლად კი გაივლეთ თმა ვაშლის ძმრით. საშუალების ჩამობანა აუცილებელი არაა, ჩვეულებრივი ძმრისგან განსხვავებით, ვაშლისა მძაფრ სუნს არ ტოვებს.
4. ალოეს ნიღაბი
ალოეს ყვავილი ყველაზე პოპულარული ოთახის მცენარეა. მისი სარგებლობის შესახებ საათობით შეიძლება ლაპარაკი, თუმცა, სუშმიტა ამბობს, რომ მისი საუკეთესო თვისება თმის ზრდის სტიმულაციაა. ბლოგერი გვთავაზობს კვირაში ორჯერ ალოეს წვენის უბრალო ნიღბის გაკეთებას. მოჭერით რამდენიმე ფოთოლი ალოეს, გაჭერით შუაზე, წვენი რომ დაწუროთ. მასაჟური მოძრაობებით შეიზილეთ წვენი თავის კანში, გაიხვიეთ პირსახოცით და გაიჩერეთ რამდენიმე საათით.
5. ცილის ნიღაბი
ცილა ორგანიზმის მთავარი საშენი მასალაა! გინდათ, რომ თმა უფრო სწრაფად გაიზარდოს? გამოკვებეთ უკეთესად! სუშმიტა კვირაში ერთხელ ე.წ. ცილოვანი დიეტის გაკეთებას გვირჩევს. აიღეთ 2 კვერცხი, დაყავით ცილა და გულები. ათქვიფეთ ცილები მიქსერით ან სათქვეფით და წაისვით მიღებული ქაფი თმის ძირებზე. ნიღბის ეფექტის გასაძლიერებლად, დაიხურეთ თავზე საშხაპე ქუდი ან შეიხვიეთ თმა პოლიეთილენის პარკით.
6. ეთერზეთები
სუშმიტა თავის დიდებულ თმას ბუნებრივი ეთერზეთებით კვებავს: ჟოჟობას, ნუშის, როზმარინის, ლავანდის, ბეგქონდრის და სხვ. ისინი უამრავ ვიტამინს შეიცავს, რომლებიც აუცილებელია თმის ზრდისთვის. შეურიეთ 5-5 წვეთი სასურველი ზეთი და წაისვთ ნარევი თმის ძირებზე. გაიჩერეთ 2-3 საათით. ეს ზეთი ღრმა წმენდის შამპუნით უდა ჩამოიბანოთ.
7. ცივი წყალი
გინდათ, თმის მძინარე ბოლქვები “გამოაღვიძოთ”? თავის ყოველი დაბანის შემდეგ გაივლეთ თმა ცივი წყლით. ეს დახურავს თავის კანის ნასვრეტებს, გააუმჯობესებს სისხლის მიკროცირკულაციას და მიანიჭებს თმას ბუნებრივ ელვარებას.
