კოსმეტოლოგმა ქეროლ მაჯიომ შეიმუშავა ეს უნიკალური სავარჯიშოები, სახისა და კისრის 57 კუნთის დასაჭიმავად. მას პლასტიკური ჩარევის რეალურ ალტერნატივად მიიჩნევენ.ამ სავარჯიშოების შესასრულებლად დიდი დრო არ დაგჭირდებათ: მხოლოდ 15 წუთი დილაობით და ამდენივე საღამოობით. წარმატების ერთადერთი წინაპირობაა ყველა ინსტრუქციის მკაცრად დაცვა. დაწყებამდე, დაიკავეთ სწორი პოზა და დაიცავით 5-ივე პუნქტი დაიცვათ.
- სავარჯიშოს შესრულებისას უნდა იჯდეთ. უმჯობესია, წინ სარკე დაიდოთ, რომ გესმოდეთ და ხედავდეთ, როგორ მუშავდება კუნთები. როცა ტანვარჯიში ჩვევად იქცევა, სარკის გარეშეც შეძლებთ.
- დარწმუნდით, რომ ყველაფერს სწორად აკეთებთ, კუნთები კი მთელი ძალით ამუშავდა, “რძემჟავისებრი” წვის შეგრძნებით. თუ ეს გრძნობა არ ჩნდება, ესე იგი. კუნთები არასათანადოდაა დატვირთული.
- არ შეწყვიტოთ ვარჯიში, ყვეალ სავარჯიშო ერთმანეთის მიყოლებით უნდა შესრულდეს. ამიტომ, გამორთეთ ტელეფონი.
- თითოეული სავარჯიშოს შემდეგ, მოადუნეთ კუნთები, ჰაერი მოდუნებული ტუჩებიდან გამოუშვით.
- “საწყისი მდგომარეობა” ქეროლის კომპლექსში ჯდომაა, ამასთან, მუცლის სწორი კუნთები, თეძოები და ბარძაყები მაქსიმალურად დაძაბული უნდა იყოს. სავარჯიშოებს შორის, მოადუნეთ ისინი, შემდეგ ისევ დაჭიმეთ და გადადით შემდეგ სავარჯიშოზე.
დავიწყოთ:
- თვალქვეშა ტომრების წინააღმდეგ-დაიკავეთ საწყისი მდგომარეობა. დაიდეთ შუა თითები წარბებს შორის, ცხვირის ხიდზე. საჩვენებელი თითები განალაგეთ თვალების გარე კუთხეებზე. აიხედეთ ზემოთ. ეცადეთ, თვალები მოჭუტოთ და, ამავდროულად, კუნთებს თითების გამოყენებით შეუშალეთ ხელი ამის გაკეთებაში. გააგრძელეთ კუნთების დაჭიმვა და დაითვალეთ 30-მდე. მოდუნდით და გაიმეორეთ ათჯერ.
- ქუთუთოების შეშუპების წინააღმდეგ-დაიკავეთ საწყისი მდგომარეობა. გაიმეორეთ თითების მდებარეობა პირველი სავარჯიშოდან, ოღონდ, ისე მოჭუტეთ თვალები, რომ ზედა ქუთუთო არ ამოძრავოთ. ამის გაკეთება გაგიმარტივდებათ, თუ თვალებს კარგად გაახელთ, თითქოს, რაღაც გაგიკვირდათ.
- წარბების წამოსაწევად-დაიკავეთ საწყისი მდგომარეობა. ორივე ხელის საჩვენებელი თითები დაიდეთ შუბლზე, წარბების პარალელურად, გაიმეორეთ მათი მრუდი. წარბები მთელი ძალით აწიეთ ზემოთ, თითებით კი შეეწინააღმდეგეთ. შეჩერდით მაქსიმალური დაძაბულობის მომენტში 30 წამით, შემდეგ მოდუნდით. გაიმეორეთ ათჯერ.
- მკვრივი ლოყებისთვის-დაიკავეთ საწყისი მდგომარეობა. გააღეთ პირი ისე, თითქოს “O” ასოს წარმოთქვამთ. ფრთხილად ჩამოწიეთ ქვედა ყბა ზღვრამდე. საჩვენებელი თითები ოდნავ დააჭირეთ ყვრიმალების ქვემოთ. ახლა, პირის დაუხარავად, დაჭიმეთ კუნთები ისე, თითქოს გაღიმებას ცდილობთ. მაქსიმალური დაძაბულობის მომენტში 30 წამით გაჩერდით. გაიმეორეთ ათჯერ.
- მკვეთრი ყვრიმალებისთვის-დაიკავეთ საწყისი მდგომარეობა. გაჭიმეთ ტუჩები ისე, თითქოს “ი”-ს ამბობთ. შუა თითებით ლოყები დაიჭირეთ და გადადით ი-დან უ-ზე, ეცადეთ, ტუჩები წინ მაქსიმალურად გამოწიოთ. 10 წამის შემდეგ, დაუბრუნდით საწყის მდგომარეობას, ი-ს. გაიმეორეთ ათჯერ.
- დახვეწილი ცხვირისთვის-ასაკთან ერთად, ცხვირის ნაკვთები კარგავს სიმკვეთრეს. ამის თავიდან ასაცილებლად, დაიკავეთ საწყისი მდგომარეობა, საჩვენებელი თითებით წამოწიეთ ცხვირის წვერი მაქსიმალურად მაღლა. ახლა კი ზედა ტუჩის ძალისხმევით სცადეთ მისი დაბლა დაწევა. მაქსიმალური დაძაბულობის წერტილში 10 წამით გაჩერდით. გაიმეორეთ ათჯერ.
- ტუჩის კუთხეების წამოსაწევად-დაიკავეთ საწყისი მდგომარეობა. მომუწეთ ტუჩები მიეცით სახეს სკეპტიკური გამოსახულება. მნიშვნელოვანია: არ დააჭიროთ კბილები ერთმანეთს, ყბები გახსენით. საჩვენებელი თითებით სცადეთ ტუჩის კუთხეების წამოწევა, ტუჩებით კი შეეწინააღმდეგეთ ამას. მაქსიმალური დაძაბულობის წერტილში, შეჩერდით 10 წამით. გაიმეორეთ ათჯერ.
- კონტურისთვის-დაიკავეთ საწყისი მდგომარეობა. ტუჩები იხვის ნისკარტად აქციეთ, გაჩერდით ამ მდგომარეობაში 10 წამით. ახლა მაქსიმალურად გაიღიმეთ და ისევ 10 წამით გაჩერდით. გაიმეორეთ ციკლი 10-ჯერ.
- ცხვირ-ტუჩის ნაკეცების წინააღმდეგ-დაიკავეთ საწყისი მდგომარეობა. გააღეთ პირი “O”-ს ფორმით. საჩვენებელი თითები დაალაგეთ ცხვირის წვერის გვერდებზე და ასრიალეთ თითები საფეთქლებამდე. პირი არ დახუროთ, მაქსიმალურად დაჭიმეთ იგი და გაიმეორეთ თითების მოძრაობები ათჯერ.
- კისრის გასაძლიერებლად-ამ სავარჯიშოსთვის საუკეთესო მდგომარეობა წოლაა. მოეჭიდეთ კისრის წინა ნაწილს ხელის გულებით, თითქოს საკუთარ თავს ახრჩობთ. წამოწიეთ თავი იატაკიდან დაახლოებით 1 სმ-თი. შეჩერდით ამ მდგომარეობაში 30 წამით, შემდეგ დააბრუნეთ იატაკზე. გაიმეორეთ 30-ჯერ.
- სახის მკაფიო ოვალისთვის-დაიკავეთ საწყისი მდგომარეობა. გახსენით ყბები, ტუჩები მომუწეთ, გაწიეთ ქვედა ყბა წინ, მაქსიმალურად. შეჩერდით მაქსიმალური დაძაბულობის წერტილში 10 წამით, დაბრუნდით საწყის მდგომარეობაში. გაიმეორეთ ათჯერ.
- საერთო ტონუსისთვის-დაიკავეთ საწყისი მდგომარეობა. მოათავსეთ საჩვენებელი თითები პირის კიდეებზე. მცირე წრიული მოძრაობები შეუთავსეთ ტალღოვან ზეწოლას და იმოძრავეთ ყვრიმალებისკენ, შემდეგ საფეთქლებისკენ და დაასრულეთ სახის კონტურზე შემოტარებით, ნიკაპის მიმართულებით.
- ლოყების მოცულობის შესამცირებლად-დაიკავეთ საწყისი მდგომარეობა. დაიდეთ ხელის გულები სახეზე ისე, თითქოს ჩამობანას აპირებთ. დააჭირეთ კანსა და კუნთებს ხელის გულები, მიმართეთ ძალისხმევა გვერდებზე და ზემოთ. გაჩერდით ასე 10 წამით, ჩამოუშვით ხელები. გაიმეორეთ ათჯერ.
- ნიკაპის ტონუსისთვის-დაიჭირეთ კისრის წინა ნაწილი ხელის გულებით, თითქოს დახრჩობას ცდილობთ. ნაზად გადაწიეთ თავი უკან, შეჩერდით ყველაზე დაძაბულ მომენტში 10 წამით, ნელა დაბრუნდით უკან და გაიმეორეთ ათჯერ.
