ყოველდღე თვალებს ძლივს ახელთ და ადგომა გიჭირთ? არდადეგები კარგი დროა, რომ საკუთარ თავში ძალა იპოვოთ და ახალი ჩვევები შეიძინოთ! Girl.ge–ს რედაქცია გთავაზობთ დილის გამამხნევებელ ვარჯიშებს ტანმოვარჯიშე ლაისან უტიაშევისგან. მათი დახმარებით ადრე ადგომა აღარ გაგიჭირდებათ.
ადამიანის ორგანიზმი გაჯეტივით მუშაობს. თუ დამუხტული არაა, როგორც არ უნდა სცადოთ, სრულყოფილად ვერ იფუნქციონირებს. სწორედ ამიტომ, დილიდანვე მთელი დღის ენერგია უნდა მოიმარაგოთ. ამისთვის 100 აზიდვის ან ხტუნვის შესრულება საჭირო არაა. გაწელვების ვარჯიშები და 20 წუთი საკმარისია, რომ განწყობა გაიუმჯობესოთ. ეს წარმატებული საქმის ნახევარია. მეორე, რაც შინაგან ბატარეაზე გავლენას ახდენს – საკვები. სწორი კვება შიმშილობის ტოლი არაა. თუ დაკლება გსურთ, საკმარისია, ფქვილის და საფუარის შემცველი პროდუქტები გამორიცხოთ. რთულია? ცდუნებას რომ გაუძლოთ, ასეთი „აკრძალული“ პროდუქტები მაცივრიდან მოიშორეთ. ყველაზე მთავარი: „ზეთში შეწვა“ დაივიწყეთ. საკვების თერმულად დამუშავება მის გარეშეც შეიძლება, თუნდაც ტაფაზე. როგორც ხედავთ, ჯანმრთელობის შენარჩუნება ძალიან მარტივია, განსაკუთრებით მაშინ, როცა ყველაფერს მაქსიმალურად აკეთებთ!
ცხოველები იწელებიან, სანამ მოძრაობას დაიწყებენ. დააკვირდით კატას, ნახტომამდე: ის იწელება. ადამიანმაც დილა გაწელვების ვარჯიშით უნდა დაიწყოს.
ლაისან უტიაშევის დილის ვარჯიშების ნაკრები სცადეთ!
1. ვიტრუვიუსის ადამიანი
- ზურგზე დაწექით და ხელები გაშალეთ. ტერფები ერთმანეთს მიადეთ და ფეხის თითის წვერები თქვენკენ მიწიეთ.
- წელი და მუხლები იატაკს მიაბჯინეთ.
- სხეულის დანარჩენი ნაწილები უბრალოდ მოადუნეთ.
იდეალური იქნება, თუ ამ პოზას 10 წუთს დაუთმობთ, მაგრამ დასაწყისისთვის 5 წუთი საკმარისია.
2. გაბრაზებული კატა
- მუხლებზე დადექით, ხელებს დაეყრდენით.
- ნელ–ნელა ზურგი მოამრგვალეთ და ნიკაპით მკერდისკენ მიწიეთ.
- ზედა წერტილში რამდენიმე წამით გაიყინეთ.
- 10-ჯერ გაიმეორეთ.
3. გუთანი
- მარჯვენა ხელით საპირისპირო ფეხი დაიჭირეთ, მარცხენა ხელი ზურგს უკან დადეთ და დაეყრდენით.
- ფეხი ოდნავ თქვენკენ მოწიეთ. ზურგი მინიმუმ მოხარეთ.
- ხელები გაუშვით, გვერდებზე გაშალეთ და ამ პოზაში რამდენიმე წამით გაჩერდით.
- იგივე მეორე მხარეს შეასრულეთ. სულ 15–ჯერ შეასრულეთ თითოეული ფეხით.
მკერდთან ფეხს ასე ახლოს ვერ მიწევთ? კომფორტულ სიმაღლეზე გააჩერეთ.
4. კეთილი კატა
- საწყისი პოზიცია ისე, როგორც მე–2 ვარჯიშში.
- ნელ–ნელა ზურგი მოხარეთ, თითქოსდა კეფით დუნდულებთან შეხებას ცდილობთ.
- ხელები გამართული უნდა დატოვოთ, დუნდულებსა და წვივებს შორის 90 გრადუსი უნდა შეინარჩუნოთ.
- სუნთქვა არ დაგავიწყდეთ! ზედა წერტილში ამოისუნთქეთ!
- 10–ჯერ გაიმეორეთ.
5. ნაკეცი
- იატაკზე დაჯექით, ტერფები შეაერთეთ და თითის წვერები თქვენკენ მოწიეთ!
- წინ დაიხარეთ, ცხვირით მუხლებთან შეხება სცადეთ. არ მოიხაროთ!
- ორივე ხელით დაეხმარეთ: თუ ფეხის თითის წვერებზე შეხებას ვერ ახერხებთ, ხელები მუხლებს შემოახვიეთ, ასე უფრო მარტივი იქნება. 15 წამით ამ პოზაში გაჩერდით და რამდენჯერმე გაიმეორეთ.
საჭირო არაა, რომ ვინმე ზურგზე დაგაწვეს, ასე შეიძლება დაზიანება მიიღოთ.
6. პეპელა
- ზურგი გამართეთ და ტერფები ერთმანეთს მიადეთ.
- მარცხენა ხელით საპირისპირო ფეხის მუხლი დაიჭირეთ, მარჯვენა ხელით წელს შემოახვიეთ და ბარძაყს დაადეთ.
- მუცელი დაჭიმეთ. ასეთ პოზაში 10 წამით გაჩერდით და მეორე მხარეს გაიმეორეთ. თითოეულ მხარეს 3-3–ჯერ გამეორება საკმარისი იქნება.
7. უტიაშევური
- იატაკზე დაჯექით და ერთი ფეხი მოხარეთ.
- მეორე ფეხი მარჯვენა ხელით დაიჭირეთ, ამასთან ზურგი გამართეთ.
- წვივით ყურთან შეხება სცადეთ. გაიწელეთ მანამ, სანამ შეგრძნებების მოთმენას შეძლებთ. მხარე შეცვალეთ.
ამ პოზის გამეორება ბევრს უჭირს, მაგრამ სცადეთ, რომ შედეგი სურათს ცოტათი მაინც ჰგავდეს.
8. ნავი
- მუცელზე დაწექით, მკერდი და ფეხები იატაკს მოაცილეთ, სიმივით გაიჭიმეთ.
- მთელი სხეული უნდა დაჭიმოთ: დუნდულები დაჭიმული, ფეხები ერთად შეერთებული. ამ პოზაში 15 წამით გაიყინეთ.
- ნელ–ნელა საწყის პოზას დაუბრუნდით. კიდევ 3-ჯერ გაიმეორეთ.
წინ და უკან ქანქარი საჭირო არაა: ასე საზარდგულზე უსიამოვნო შეგრძნებებს დაამატებთ.
9. ჩაჯდომები
- 20 ჩაჯდომა 3 წრეზე შეასრულეთ.
- რამდენიმე დეტალი დაიმახსოვრეთ: ა) ზურგი ძლიერ და არაბუნებრივად არ მოხაროთ. ბ) მუხლები თითის წვერების უკან არ გაიტანოთ. გ) ბარძაყები იატაკის პარალელურად უნდა იყოს. ძალიან დაბლა არ დაიწიოთ, რომ სახსრები არ დააზიანოთ. დ) მუცელი დაჭიმეთ.
- თუ დუნდულების კუნთებზე მუშაობა გსურთ, ზემოთ ასვლისას წვამდე დაჭიმეთ.
გამამხნევებელი ვარჯიშები დასრულებულია!
