დილაობით სხეული დუნე და მოუქნელი გვეჩვენება. როგორღა გავატაროთ დღე პროდუქტიულად, თუკი მას ასეთ მდგომარეობაში ვხვდებით? მოცემულ სტატიაში წარმოგიდგენთ ვარჯიშების კომპლექსს, რომელიც გაგიქრობთ ძილიანობას და ენერგიით დაგმუხტავთ. ისინი მოგაშორებთ დილის შეშუპებებს და წელის არეში მოჭერილობას. გვერწმუნეთ, ცვლილებებს უკვე ერთ კვირაშივე შეამჩნევთ!სწორად დადექით, ფეხები გაშალეთ მხრების სიგანზე. თითოული სავარჯიშო შეასრულეთ 20-ჯერ.
სავარჯიშო №1. გვერდებზე ტაშის შემოკვრა. მარცხენა ხელისგულით შემორკალეთ მუცელი (ერთგვარად შემოეხვიეთ საკუთარ თავს) და შეეხეთ მარჯვენა თეძოს, ამ დროს მარჯვენა ხელით შემორკალეთ ზურგი და შეეხეთ მარცხენა თეძოს. გაიმეორეთ სავარჯიშო ხელების შეცვლით.
სავარჯიშო №2. მხრების ვარჯიში.მარჯვენა ხელი დაიდეთ მარცხენა ბეჭზე და დაზელვითი მოძრაობებით ფრთხილად გაახურეთ ის. გაიმეორეთ სავარჯიშო მარცხენა ხელით მარჯვენა ბეჭზე.
სავარჯიშო №3. კისრის ვარჯიში.ეს სავარჯიშო ფრთხილად უნდა შეასრულოთ. მარჯენა ხელისგულით შეეხეთ მარცხენა საფეთქელს (თავს ზემოთ ხელის შემოტარებით) და ოდნავ დახარეთ თავი მარჯვნივ. გაიმეორეთ იგივე მარცხენა ხელის მარჯვენა საფეთელზე დადებით.
სავარჯიშო №4. ხელების წრიული ვარჯიში.ხელები წინ გაშალეთ და ხელისგულები გადაიჯვარედინეთ. ხელებით “დახატეთ” მცირე წრე თავზემოთ.
სავარჯოშო №5. ლავიწებს ქვემთ არსებული მიდამოს დაზელა.მარჯვენა ხელისგული მარცხენა ლავიწის ქვემოთ დაიდეთ და წრიულად იმოძრავეთ გასწვრივ. გაიმეორეთ სავარჯოშო მარცხენა ხელისგულით მარვჯენა მხარეს.
სავარჯიშო №6. იდაყვების გვერდებზე გატანა.ხელისგულები კეფაზე დაიწყვეთ და მხრები გაშალეთ. ერთადერთი, რაც უნდა გააკეთოთ, ესაა თქვენს წინ იდაყვების მოზიდვა, შემდგომ კი ისევ მათი განზიდვა.
სავარჯიშო №7. ხელების განზე განზიდვა.აწიეთ ხელები მაღლა და ისინი ისე მოხარეთ, რომ იდაყვის სახსარში მართი კუთხე წარმოიქმნას. ახლა მიიზიდეთ ხელები თქვენს წინ, შემდეგ კი ისევ განზე გაშალეთ.
