როგორც თხელი თმის მფლობელს, მშვენივრად მესმის მათი, ვისაც სქელი და ძლიერი თმის ქონა სურთ. არასწორად არ გამიგოთ, თხელ თმას თავისი უპირატესობა აქვს: სწრაფად შრება, შეკრული თმა თავის ტკივილს არ იწვევს და მილები ბევრი თმით არ იჭედება. გულწრფელად რომ ვთქვათ, ამ ყველაფერს სქელ, ბზინვარე თმაზე გავცვლიდი.
ამ თემით გატაცების გამო უამრავი ხრიკი წავიკითხე და მათგან 90% უკვე არ მოქმედებს. დღეს სწორედ იმ 10% გიამბობთ, რომლებიც ნამდვილად ეფექტურია.
1. სცადეთ გამასქელებელი შამპუნი და კონდიციონერი
როგორც წესი, მათ ფორმულას უმატებენ პროტეინებს, რომლებიც თმას რეალურად ამკვრივებს. ეფექტი განსაკუთრებით შესამჩნევია, თუ თმას 20 წუთზე მეტი სითბოში გააჩერებთ. სწორედ ამიტომ, გირჩევთ პროტეინის ნიღბის გამოყენებას. შემადგენლობაში აღინიშნება, როგორც Hydrolized რაღაცასთან ერთად Silk, Keratine, Amino acid, Protein და ა.შ.
2. სპეციალური სტაილინგის საშუალებები შეიძინეთ
ეს ერთი შეხედვით აშკარაა, მაგრამ მოცულობის და სისქის მომნიჭებელ სტაილინგში ფულის ჩადება თხელი თმისთვის კარგი იდეაა. ზოგიერთი მათგანი სველ თმაზე გაშრობამდე ისმება, ზოგი მშრალ თმაზე. ეფექტი ცხადია – დავარცხნილი თმა 2–ჯერ უფრო მოცულობითია. აი, ჩემი ფავორიტები:
3. ტალღები თმას ვიზუალურად ასქელებს
თუ ბუნებამ ტალღებით არ დაგაჯილდოვათ, მაშინ კონუსის ფორმის უთო აიღეთ და თმას ცოტა ტექსტურა შემატეთ. ეს ვიზუალურად თმას მოცულობას და სისქეს შემატებს. არ დაგავიწყდეთ დავარცხნამდე თერმოდამცავი საშუალების გამოყენება.
4. კანის ღრმად გამწმენდი საშუალება თვეში რამდენჯერმე
გამასქელებელი პროდუქტები ძალიან კარგია, თუმცა ისინი თავის კანზე დაბანის შემდეგ შეიძლება დარჩეს (განსაკუთრებით ეს ეხება მათ, ვინც თავს უსულფატო შამპუნით იბანს). სწორედ ამიტომ, თვეში რამდენჯერმე თავის კანი ღრმად გამწმენდი შამპუნით დაიბანეთ – სულფატებით და მჟავებით ან პილინგებით და სკრაბებით.
5. თმის გაყოფის ადგილი შეცვალეთ
დიახ, ასეთი მარტივი მოქმედებით თმას მოცულობას შემატებთ. მაგალითად, თუ თმას მუდამ მარცხენა მხარეს იყოფდით, ახლა თმა მარჯვნივ გადაიტანეთ.
6. რამდენიმე თმის ღერის ჩამატება სცადეთ
ეს უფრო რადიკალური მეთოდია, მაგრამ თმის გასქელებაში ნამდვილად დაგეხმარებათ. მგონი ყველა სახის გაზრდა ვცადე და ყველაზე მეტად კაფსულებით მომეწონა. ის საშუალებას გაძლევთ თმა იქ დაიმაგროთ, სადაც სისქე არ გყოფნით და არა მთელ თმაზე. კარგი სპეციალისტი სწორი რაოდენობის კაფსულების შერჩევაში დაგეხმარებათ, რომ თმა არ დამძიმდეს. პროცესი რამდენიმე საათს მოითხოვს. შედეგი მთელი 9 თვე ძლებს.
7. თქვენი ტალღოვანი თმა გამოკვეთეთ
თუ ხუჭუჭა თმა გაქვთ, ხუჭუჭა თმის მოვლის შესახებ წაიკითხეთ და სტაილინგის გამოყენება დაიწყეთ. ჩვეულებრივ, ასეთ თმას უხდება ქაფის/მუსის და გელის კომბინაცია, თუმცა შეგიძლიათ სხვა ვარიანტებიც სცადოთ. სტაილინგის გეშინიათ? საჭირო არაა, ის დაგეხმარებათ თმის გამოკვეთაში, მას უფრო დამჯერს გახდის და თმის გაუწყლოებას თავიდან აიცილებთ.
