ორი ვარჯიშისაგან შემდგარი კომპლექსი, რომელიც სახის კონტურს გახდის მკვეთრს და მოგაშორებთ მეორე ნიკაპს

0
92

მეორე ნიკაპი სიმკვეთრეს ართმევს სახის ოვალს და არ მატებს ქალს სილამაზესა და ახალგაზრდობას. ზოგჯერ, საკმარისია ამ ზონის დამუშავება იმისთვის, რომ ვიზუალურად გავახალგაზრდავდეთ რამდენიმე წლით.დამუშავების ერთ-ერთი საუკეთესო ვარიანტი არის კომპლექსური მიდგომა, რომელიც პრობლემაზე ლოკალურად მუშაობს და ასევე ებრძვის პრობლემის გაჩენის მიზეზებსაც. სწორედ, ასეთ მეთოდზეა საუბარი Girl.ge-ის დღევანდელ სტატიაში.მეორე ნიკაპი ხშირად იმ ქალებს უჩნდება, ვისაც არა აქვთ ჭარბი წონა.

მრავალი თვალსაზრისით, მისი არსებობა ცუდი პოზის შედეგია. ამიტომ, პირველი ვარჯიში ამ პრობლემაზეა გათვლილი. ეს ხელს შეუწყობს არა მხოლოდ მეორე ნიკაპთან დაკავშირებული ადგილობრივი პრობლემის მოშორებას, არამედ კომპლექსიდან მიღებული შედეგის დიდხანს შენარჩუნებას და ასევე, მთლიანობაში ფიგურის გაუმჯობესებას (პოზა ძლიერ მოქმედებს სხეულის გარეგნობაზე).

ერთ-ერთი ყველაზე ეფექტური ვარჯიში, რომელიც სწრაფ შედეგს იძლევა, არის “სუპერმენი”.სანამ ვარჯიშს დაიწყებდეთ, გააკეთეთ მსუბუქი მოთელვა. გამოდგება ვარჯიშების ნებისმიერი კომპლექსი, რომელიც მიმართულია ლიგატებისა და სახსრების გათბობაზე. აუცილებლად მოამზადეთ კისერი (დახრა და გვერდებზე მიბრუნება).

ვარჯიშის შესრულების წესი:

  • დაწექით იატაკზე მუცელზე, გაშალეთ ხელები მაღლა;
  • ჩასუნთქვისას ერთდროულად ასწიეთ ხელები და ფეხები ზევით, იდაყვებში და მუხლებში მოხრის გარეშე;
  • გააჩერეთ 2-3 წამის განმავლობაში;
  • ნელ-ნელა დაუბრუნდით საწყის პოზიციას.

გაითვალისწინეთ, რომ შესრულების დროს კისერი უნდა იყოს ერთ ხაზზე სხეულთან შესაბამისობაში, თავიც ასევე, ხელების მიმართულებით უნდა იყოს გამოწეული.

შეასრულეთ 5 გამეორება.

შემდეგ, შეგიძლიათ გადახვიდეთ მეორე ვარჯიშზე, რომელიც მიმართულია უშუალოდ კისრისა და ნიკაპის ზონაზე.

ვარჯიში ტარდება მდგომარე ან მჯდომარე მდგომარეობაში, ზურგი უნდა იყოს სწორი.

  • ჩამოწიეთ მხრები ქვემოთ, გადასწიეთ თავი უკან, შეხედეთ ჭერს;
  • კისერში უნდა გაჩნდეს მცირე დაძაბულობა და კუნთების დაჭიმულობა;
  • შემდეგ, უნდა აწიოთ ქვედა ყბა ოდნავ მაღლა (ეს უნდა გააკეთოთ ნელ-ნელა).

ყბის მოძრაობისას უნდა გაიზარდოს კუნთების დაძაბულობა. გაჩერდით ამ მდგომარეობაში 3-5 წამის განმავლობაში, შემდეგ დაბრუნდით საწყის პოზიციას.

გაიმეორეთ 10-ჯერ.

ორივე ვარჯიშის შესასრულებლად სულ რამდენიმე წუთი დაგჭირდებათ. უმჯობესი იქნება, თუ შეძლებთ ამ ვარჯიშების შესრულებას დილით. საწყის ეტაპზე (პირველი 7-10 დღე), ვარჯიშები უნდა შესრულდეს ყოველდღიურად, შემდეგ 2-3 დღეში ერთხელ – სასურველი შედეგის მიღებამდე.